Tevgera artêşa Tirk li herêmên gerîla didome. Herêmên Avaşîn, Metîna û Zap ên Herêmên Parastinê yên Medyayê bi hawan, obus û tankan ve hatin bomberdûmankirin. Her wiha li herêmên Metîna, Heftanîn û Avaşînê jî pêgerên hewayî yên bêmirov geriyan.

Navenda Çapemenî û Ragihandina HPG’ê daxuyaniyek nivîskî weşand û der barê tevgera hewayî ya artêşa Tirk de ev agahî dan: “13’ê Cotmehê saet di navbera 10.30-12.00’an de balafirên şer ên Tirk bi piştgiriya pêgerên hewayî yên bê mirov ve herêma Şehîd Gafûr ya li xeta sînorê herêma Avaşîn a Herêmên Parastinê yên Medyayê bomberdûman kir.

13’ê Cotmehê saet 11.30-12.30’an qereqola Oremar a girêdayî navçeya Gever a Colemêrgê, qada Şehîd Bager a li xeta sînorê herêma Avaşîn a Herêmên Parastinê yên Medyayê bi obus, hawan û tankan ve bomberdûman kir.

13’ê Cotmehê saet di 21.00-22.00’an qereqola Bîlîcan ya li xeta sînorê herêma Zapê, herêmên Kanî Cinnetê û Tepê Guvenlîk; saet 22.30-23.00’an qereqola Êrîş, herêmên Kelha Nerva û Latê Kewa da ber obus û hawanan.

13’ê Cotmehê saet 18.30-20.00’an qereqola Serbesta ya li xeta sînorê herêma Metîna ya Herêmên Parastinê yên Medyayê, herêma Kuro Şîno; saet 19.00-19.30’an qereqola Tepê Sor a girêdayî tûgaya Çelê, herêma Tepê Ortê bi obus, hawan û tankan ve bomberdûman kir.

13’ê Cotmehê saet 06.00-10.30’an li ser herêma Heftanîn, saet 20.00-21.00’an û 14’ê Cotmehê saet 01.00-02.00’an li ser herêma Metîna, 10’ê Cotmehê ji saetên sibê heta 14’ê Cotmehê saet 01.00’an li ser herêma Avaşîn, pêgerên hewayî yên bê mirov geriyan.

Her wiha 13’ê Cotmehê saet 19.00-22.30’an li ser herêma Zapê, saet 19.30-20.30’an li ser herêma Avaşîn, 14’ê Cotmehê saet 01.00-02.00’an li ser herêma Metîna, tevgera balafirên şer çêbû.”