Li gundê Mêrane yê ser bi navçeya Mêrdîn Kerboranê, di 26’ê Kanûnê leşkerên Tirk gule li wesayîtekê reşandin. Di gulereşandinê de tevî 3 gerîlayên HPG'ê welatiyekî sivîl ê bi navê Rêzan Baran jiyana xwe ji dest da. Ji bo Baran li Hezexê mewlûd hat dayîn.

Mewlûd li mizgefta taxa Tûrgût Ozal hat dayîn. Hevşaredarên Hezexê, MEYA-DER, rêveberên rêxistina HDP û DBP û gelek kes beşdarî mewlûdê bû.

Piştî deqeyek rêzgirtinê bavê Rêzan Baran Mehmet Baran axivî û nerazîbûn nîşanî terora dewletê da. Bav Baran banga xwedîderketina li berxwedanê kir. Baran got: “Ji zilmê revîn kesî rizgar nake, her kesê dewlemend û hejar bi rûh û malên xwe divê li hember vê zilmê rabe ser piyan." Ji ber qedexeya li Kerboranê xizmên Baran nekarîn beşdarî merasîmê bibin û bi rabûna qedexeyan re hatin Hezexê beşdarî mewlûdê bûn.