Ji bo yek ji 12 ciwanên di dawiya hefteyê de li Wanê hatin qetilkirin Şaban Gunay (Serhed Behrewan) mewlûd hat dayîn.

Mewlûd li Mala Serxweşiyê ya Taxa Altintepe hat dayîn û Hevseroka DBP'ê ya Wanê Caziye Dûman, Paralmenterê HDP'ê yê Wanê Adem Geverî, Hevşaredarê Bajarê Mezin ê Wanê Bekîr Kaya, Hevseroka MEYA-DER Şaxê Wanê Nerîman Ûral, Hevşaredarên Navçeyê, Endamên Însiyatîfa Dayikên Aştiyê, Aktîvîstên KJA û gel amade bûn.

Piştî duayan, deqeyek rêz hat girtin. Hevseroka MEYA-DER Şaxê Wanê Nerîman Ûral li merasîmê axivî û anî ziman ku Kurd di pêvajoyeke gelekî giran re derbas dibe. Ûral diyar kir ku tevî komkujiyên tên kirin jî divê ti kes hêviya xwe ji dest bernede û li dora doza xwe ya mafdar bicivin.

Parlamenterê HDP'ê yê Wanê Adem Geverî jî destnîşan kir ku ti tiştî Kurd ji têkoşîna wan venegerandine û wê nikaribe vegerînin.

Xizmên Şaban Gunay jî dan xuyakirin ku ew ê bi bîranîna cangoriyan re dilsoz bin û têkoşînê bidomînin.