Di daxuyaniyê de hat diyarkirin ku di çarçoveya êrîşên bê perwa yên li ser Kurdistanê de êvara 18’ê Adarê Herêmên Parastinê yên Medyayê hatine bomberdûmankirin.

LI HEMBER LEŞKERÊN LI BEJAHIYA QILEBANÊ ÇALAKÎ

Di daxuyaniya Navenda Ragihandin û Çapemeniyê ya HPG’ê de ev agahî hatin dayîn: “18’ê Adarê saet 16.00’an dema leşkerên artêşa TC ên li qada Şehîd Kendal a li xeta sînorê navçeya Qilebana Şirnexê keşif pêk tanîn; hêzên gerîlayên me bi çekên giran çalakî li dar xistin. Di vê çalakiyê de hejmara leşkerên mirî û birîndar nehatin zelalkirin. Piştî çalakiyê artêşa TC qada Şehîd Rênas da ber obus û hewanan.

LI XAKÛRKÊ BOMBERDÛMAN

19’ê Adarê (îro) saet 07.00-08.00’an balafirên şer ên Tirk; mintiqa Ermûş a girêdayî herêma Xakûrkê ya Herêmên Parastinê yên Medyayê, 18’ê Adarê saet 20.30-21.30’an Tirba Şêx Îslam û derdora wê ya li gundê Derash a girêdayî navçeya Amediye ya bajarê Dihokê, di heman saetan de qûntarên gundê Sergelê ya girêdayî navçeya Amediyê, saet 21.00-22.00’an derdora gundê Çemşerîtkê û qada navîn a girêdayî Garê, saet 20.30-22.00’an mintiqa Nokta Tarî ya Geliyê Pîsaxa ya girêdayî herêma Heftanînê, saet 17.00-22.00’an qada Tepê Tank a girêdayî herêma Metîna bombe kirin.

BOMBERDÛMANA OBUS Û HEWANAN

18’ê Adarê saet 10.30-11.30’an qereqola Serê Sevê ya li sînorê navçeya Çelê ya Colemêrgê; qada Çiyayê Reş a li herêma Zapê,saet 11.00-12.00’an qereqola Êrîş; girê Xeregol, saet 12.00-13.00’an qereqola Şkêr; qadên derdora xwe, saet 20.30- 23.00’an qereqola Bîlîcan; qadên derdora xwe, 19’ê Adarê (îro) saet 08.00-09.00’an dîsa qereqola Serê Sevê; qada Çiyayê Reş bi obus, hewan û tankan bombe kirin.

18’ê Adarê saet 11.30-12.00’an qereqola Tepê Sor a li sînorê navçeya Çelê ya Colemêrgê; qadên Şehîd Şoreş û Tepê Hakkarî yên girêdayî herêma Metîna da ber obus û hewanan.

18’ê Adarê saet 17.30-18.00’an qereqola Sînek a li sînorê navçeya Qilebana Şirnexê; mintiqa Bektorya ya Herêma Heftanînê bi obus û hewanan bombe kir.

18’ê Adarê saet 21.00-22.00’an li ser herêma Garê, saet di navbera 17.00 û 19’ê Adarê 03.30’an li ser herêma Heftanînê, 18’ê Adarê saet di navbera 20.00 û 19’ê Adarê 09.00’an de li ser herêma Zapê, 19’ê Adarê saet 04.30-08.00’an li ser herêma Xakûrkê pêgerên hewayî yên keşfê geriyan. Her wiha 18’ê Adarê saet 20.30-22.30’an li ser herêma Zapê, saet 19.00-21.30’an û 19’ê Adarê saet 06.30-07.00’an li ser herêma Avaşînê, 19’ê Adarê saet 07.00-08.00’an li ser herêma Qendîlê, tevgera balafirên şer çêbû.