Navenda Ragihandin û Çapemniyê ya HPG’ê da xuyakirin ku artêşa Tirk qada Herekol a Sêrtê bombe kir.

HPG’ê di daxuyaniyê de têkîldarî bomberdûmankirinên qadên gerîla agahî parve kirin.

QADA HEREKOL HAT BOMBEKIRIN

Navenda Ragihandin û Çapemeniyê ya HPG’ê diyar kir ku bomberdûmanên artêşa Tirk yên li Bakurê Kurdistanê zêde bûne, wiha got: “26’ê Sibatê saet 17.00-19.00’an balafirên şer ên Tirk; qada Herekol a Sêrtê bombe kiriye.”

LI HEMBER QADÊN GERÎLA BOMBERDÛMAN DIDOME

Di dewama daxuyaniyê de têkîldarî bomberdûmanên artêşa Tirk ev agahî hatin parvekirin:

“26’ê Sibatê saet 14.30-15.00’an qereqola Rûbarok a girêdayî navçeya Şemzînan a Colemêrgê; qada Tepê Xwedê ya girêdayî herêma Avaşîn a Herêmên me yên Parastinê yên Medyayê bi obus û hewanan bombe kiriye.

25’ê Sibatê saet 21.00-21.30’an qereqola Marûka ya girêdayî navçeya Çelê ya Colemêrgê; qada Devê Masî ya girêdayî herêma Zapê, 25’ê Sibatê saet 21.00-22.00’an û 26’ê Sibatê saet 03.00-03.30’an qereqola Bîlîcanê qadên derdora xwe dan ber çekên giran.

25’ê Sibatê saet 18.30-20.00’an li ser herêma Avaşînê, saet di navbera 25’ê Sibatê 18.00’an û 26’ê Sibatê 15.00’an de li ser herêma Garê, 26’ê Sibatê saet 00.00-14.00’an û saet di navbera 18.00’an û 27’ê Sibatê 06.00’an de li ser herêma Zapê pêgerên hewayî yên keşfê geriyan.”