Navenda Ragihandinê ya YPG’ê diyar kir ku 25’ê Kanûnê danê êvarî çeteyên El Nûsra û Ehrar El Şam  li hember Taxa Şêx Meqsûd a Helebê bi hawanan êrîş pêk anî.

Navenda Ragihandinê ya YPG’ê daxuyaniyek nivîskî weşan û wiha got: “25’ê Kanûnê danê êvarî çeteyên El Nûsra û Ehrar El Şam  li hember Taxa Şêx Meqsûd a Helebê bi hawanan êrîş pêk anî.

25’ê Kanûnê saet 22.00’an çeteyên DAIŞ’ê li dijî gundê Emero yê girêdayî Hesekê êrîş pêk anîn. 2 çeteyên ji bo êrîşa xwekujiyê ketibûn gund rastî mudaxeleya hêzên me hatin, çeteyek bi kuştinê hat bêbandorkirin. Çeteyê din jî xwe teqandiye. Di vê teqînê de 2 hevalên me yên xwe ji gel re kirin mertal gihiştin şehadetê.”