Navenda Çapemenî û Ragihandinê ya HPG’ê têkîldarî êrîşên artêşa Tirk daxuyaniyek nivîskî weşand.

HPG’ê diyar kir ku artêşa Tirk herêmên gerîla bi obus, hawan û tankan bomberdûman dike, wiha got: “22’ê Kanûnê saet 06.00-06.30’an qereqola Oremar a girêdayî navçeya Gever a Colemêrgê; qada Şehîd Gafûr a li xeta sînor bi obus, hawan û tankan bomberdûman kir. Dîsa di heman saetan de qereqola Bîlîcanê herêma Şehîd Alîşêr da ber obusan.

21’ê Kanûnê saet 14.30-17.00’an qereqola Tepê çete ya li xeta sînorê herêma Heftanînê ya Herêmên Parastinê yên Medyayê û artêşa TC ya li derdora qada Şehîd Kendal bicihbûyî; qada Deriyê Dawetiya da ber hawan û çekên giran.

21’ê Kanûnê saet 14.00-14.30’an qereqolên Şkêr û Tepê Ortê yên li xeta sînorê herêma Zapê ya li Herêmên Parastinê yên Medyayê; Latê Kewa û derdora wê, 22’ê Kanûnê saet 06.00-06.30’an qereqola Êrîş; qûntarê Tepê Şehîd Xeyrî bi obus, hawan û tankan.

22’ê Kanûnê saet 00.00-02.00’an qereqola Tepê Sor a li xeta sînorê herêma Metîna; qadên Şehîd Şoreş û Şehîd Mazlûm da ber obus û hawanan.”

BALAFIRÊN ŞER METÎNA BOMBERDÛMAN KIRIN

HPG’ê ragihand ku 22’ê Kanûnê saet 01.30-03.00’an balafirên şer ên Tirk, bejahiya gundê Xirabê û Kanî Masî yên girêdayî herêma Metîna bomberdûman kirin.

KEŞF DIDOMIN

HPG’ê di daxuyaniya xwe de wiha got: “21’ê Kanûnê saet di navbera 21.00 û 22’ê Kanûnê 05.00’an de li ser herêma Garê, ji 19’ê Kanûnê heta 22’ê Kanûnê saet 05.00’an li ser herêma Zapê pêgerên hewayî yên keşfê geriyan.”