Topbarana tankan a li ser Taxa Cûdî ya Cizîrê û hewldanên ketina taxê didomin.

Li Cizîrê ku pêkanînên rêveberiya awarte di roja 8. de didome, êrîş li Taxa Cûdî zêde bûne. Polîs û leşkerên Tirk ên nikarin berxwedana gel bişkînin, bi topbarana tankan ji danê sibehê ve dixwazin pêş de biçin, ji wesayîtên zirxî anonsên, “Bi alên xwe yên spî ve navçeyê biterikînin” dikin. Leşkeran careke din tank xistin meriyetê. Hate ragihandin ku ji tankan bi dehan caran topbaran hatiye kirin û di encama topbaranê de gelek mal hilweşiyane.