Navenda Ragihandin û Çapemeniyê ya HPG’ê têkîldarî êrîşên hewan û obusên li hember Herêmên Parastinê yên Medyayê daxuyaniyek da.

Detayên daxuyaniya HPG’ê wiha ne:

“25’ê Sibatê saet 14.00-14.30’an û 22.30-23.00’an qereqola Êrîş a li sînorê navçeya Çelê ya Colemêrgê; girê Xeregol ê girêdayî herêma Zapê, saet 21.00-22.00’an qereqola Bîlîcanê jî qadên derdora xwe da ber obus û hewanan.

ÊRÎŞÊN HEWAN Û OBUSAN

25’ê Sibatê saet 16.30-17.30’an qereqola Grana ya li sînorê navçeya Şemzînan a Colemêrgê; ji Herêmên me yên Parastinê yên Medyayê qadên Mergê û Adilbeg ên girêdayî herêma Avaşîn, her wiha di heman saetan de qereqola Zeytê qadên derdora xwe, saet 15.30-16.00’an qereqola Oremar a li sînorê navçeya Geverê; qada Geliyê Avaşîn da ber obus û hewanan.

25’ê Sibatê saet di navbera 21.00’an û 26’ê Sibatê saet 03.00’an de qereqola Arûş a li sînorê navçeya Qileban a Şirnexê; girê Şehîd Dîlber ê girêdayî herêma Metîna bi obus, hewan û tankan bomberdûman kir.

25’ê Sibatê helîkopterên Kobra saet 11.30-12.00’an qada Şehîd Gafûr a li herêma Oremar a girêdayî navçeya Gever a Colemêrgê ketober kir hedef.

TEVGERA HEWAYÎ DEWAM DIKE

25’ê Sibatê saet 08.00-14.00’an û 26’ê Sibatê saet 01.00-03.00’an ji Herêmên Parastinê yên Medyayê, li ser herêma Xakûrkê, 25’ê Sibatê saet di navbera 06.00’an û 26’ê Sibatê 09.00’an de li ser herêma Avaşînê, di heman rojan de saet di navbera 21.00-05.30’an li ser herêma Heftanînê, saet 23.00-09.00’an li ser herêma Zapê, 26’ê Sibatê saet 05.00-10.00’an li ser herêma Garê pêgerên hewayî yên keşfê geriyan. Her wiha 25’ê Sibatê saet 19.00-20.00’an li ser herêma Zapê tevgera balafirên şer çêbûn.