Li herêmên Zap, Avaşîn, Garê û Metîna ku pêgerên hewayî yên bêmirov keşfan pêk tînin, ji qereqolên ser sînor jî li hember herêmên gerîla bi obus, hawan û tankan bomberdûman pêk tê.

Navenda Çapemenî û Ragihandinê ya HPG’ê ku daxuyaniyeke nivîskî weşand ev agahî parve kir: “Di navbera 14’ê Cotmehê saet 07.30 - 11.00 û saet 20.00 û 15’ê Cotmehê 01.30 li herêma Zapê, di navbera 14’ê Cotmehê saet 21.00 û 15’ê saet 04.00’an li herêma Avaşîn, di navbera 14’ê Cotmehê saet 11.30 - 18.00 û 15’ê Cotmehê saet 00.00 - 06.30’an li herêma Garê, 15’ê Cotmehê saet 00.00 - 01.00 li herêma Metîna pêgerên hewayî yên bêmirov geriyane.

14’ê Cotmehê saet 14.30 - 15.30 li herêma Zapê, Xakurkê û Avaşîn saet 22.00 - 23.00 li herêma  Metîna tevgera balafirên şer rû daye.

14’ê Cotmehê saet di navbera 16.30 - 17.00 qereqola Oremar a girêdayî navçeya Gever a Colemêrgê qada Şehîd Gafûr a li ser xeta herêma Avaşîn bi obus, hawan û tankan bombe kiriye.

14’ê Cotmehê di navbera saet 11.00 - 11.30 û 13.30 - 14.00 de qereqola Bîlîcan a li ser xeta sînorê herêma Zapê qadên li derdora xwe bi çekên giran rasterast gulebaran kiriye.

14’ê Cotmehê saet di navbera 15.00 - 18.30 û 22.30 - 23.00 de qereqola Serbesta a li ser xeta sînorê herêma Metîna girê Kuro Şîno bi obus, hawan û tankan bombe kiriye.

14’ê Cotmehê êvarî saet di navbera 23.30 û 00.00 de ji qereqola Hosyan a girêdayî navçeya Berwarî ya Sêrtê, qada Bermareş a girêdayî Herekol, derdora şehîdgehên Şehîd Azîme û Şehîd Resûl bi obusan bombe kiriye."