Şêniyên navçeyên Cindirês, Mabeta û Şiyê yên Kantona Efrînê, ji bo dagirkeriya artêşa Tirk şermezar bikin, bi konvoyeke dirêj a ji wesayîtan berê xwe dan Deşta Şedaya ya navçeya Raco.

Girseya gel li gundê Şedaya yê navçeya Raco li hev civiya û li dijî dagirkeriya leşkerên Tirk dest bi çalakiyê kir.

Artêşa Tirk gule li gelê berxwedêr reşand û 5 kes birîndar kir.

Ji ber êrîşê Fatma Silêman, Hêvî Elo, Rifet Bîlal, Îdrîs Weqas û kesekî navê xwe nehat hînbûn, birîndar bûn.

Berxwedana gel û êrîşa leşkerên Tirk dewam dike.

Artêşa Tirk duh êvarê li Deşta Şedaya sînor derbas kiribû û dest bi lêkirina dîwêr kiribû.