Rûniştina doza têkîldarî qetilkirina Medenî Yildirim talûqî 2’ê Adarê bû.

Daxwaza girtina bersûcan careke din nehate qebûlkirin. Seroka Şaxa Stenbolê ya EMO Beyza Metîn a doz dişopand, di salona rûniştinê dozê de hat binçavkirin.

Doza kuştina Medenî Yildirim ê ku ji aliyê leşkeran dema çalakiyên li dijî avakirina Kalekolan de hatibû qetilkirin berdewam kir. 

Malbata Yildirim, Samî Elvan ê ku Bavê Berkîn Elvanê dema berxwedana Gezî de hat qetilkirin, Bavê Mehmet Ayvalitaş Alî Ayvalitaş, Piştevaniya Taksîmê, hevalên ji taxê û dibistanê yên Yildirim, endamên ESP û EMEP tevlî rûniştina duyemîn a doza ku li 7. Dadgeha Cezayê Giran a Amedê berdewam dikir bûn.

Polîs piştî demek kurt a destpêkirina rûniştinê ketin salonê, îşaretî dozger kirin û Seroka Şaxa Stenbolê ya EMO Beyza Metîn binçav kirin. Hate diyarkirin ku Metîn bi hincetên li salona rûniştinê wêneyan dikşîne û di tevna civakî de parve dike hatiye binçavkirin. Metin, birin Qereqola Yenîşehîrê.

Heyeta Dadgehê daxwaza parêzeran a têkîldarî girtina bersûcên Yildirim qetil kirine red kir, rûniştin talûqî 2’ê Adarê 2016’an kir.