Pêngava Xezeba Firatê ya ji bo rizgarkirina Reqayê di roja 7. de ye.

Li gorî agahiyên ji herêmê hatine wergirtin, li eniya Eyn Îsa gundê El Şibil, stasyona avê û stasyona ceyranê ku bi 500 metreyan dûrî hev in, di encama şerekî dijwar de ji çeteyên DAIŞ'ê hatine rizgarkirin.

Gundê El-Şibil û he rdu stasyonên av û ceyranê bi 15 kîlometreyan li başûrrojhilatê bajarokê Eyn Îsa ne.

Li eniya Silûkê jî şervan bi pêş ve diçin. Duh bi şev li gundê El Xidir ê bi 25 kîlometreyan li rojavayê gundê Qenterî ye, şerekî dijwar rû da û di encamê de gund ji çeteyan hat paqijkirin.

Şervanên Odeya Çalakiyê ya Xezeba Firatê dor li gundê El-Hîşe yê li başûr rojhilatê Eyn Îsa girtine. Li aliyek din şervanên ji aliyê Silûk ve pêş ve diçin jî nêzî gundê Xinêz a Wistanî bûne.

Şerê li herêmê didome.