Dema ragirtina Hevserokê DBP'ê Kamûran Yuksek, ku gava ji avahiya partiyê derdiket hat binçavkirin, hat dirêjkirin.

Yuksek ê ji ber daxuyaniyên xwe yên çapemeniyê hat binçavkirin, tê payîn sibe derkeve edliyeyê.

Parêzerê Yuksek Mûzaffer Ozdemîr da xuyakirin, ku ji wan re hatiye ragihandin, dema ragirtina li binê çavan hatiye dirêjkirin.

Parêzer Ozdemîr bibîr xist, Yuksek di çarçoveya lêpirsîna ji ber daxuyaniyên çapemeniyê de hatiye binçavkirin û got, "Rewşa wî baş e. Tê payîn sibe wî sewqî edliyeyê bikin."

Polîsên Tirk, piştî ku Hevserokê DBP'ê Yuksek binçav kirin, avêtibûn ser mala wî û avahiya partiyê.