Êrîşên hewayî û operasyonên binçavkirinê duh bi şev li Dêrsimê ji aliyê komek ji ciwanan ve hatin şermezarkirin. Koma li ser Rêya Nexweşxaneya Berê civiya, bend danî û xwepêşandan lidar xist.

Piştî demekê polîsên Tirk bi maşînên zirxî hatin cihê bûyerê. Polîsan bi ava şid û gaza îsotê êrîşî ciwanan kirin, ciwanan jî bi kevir û molotof kokteylan bersiv dan êrîşa polîsan.

Pevçûna rû da, piştî ku ciwan li nava kolanan belav bûn, bi dawî bû.

Di vê navberê de tevgera helîkopteran a li bajêr ku di demên dawî de zêde bûye, duh bi şev jî dewam kir. Helîkopterên Skorsky ên ji navenda bajêr bi hewa ketin li ser herêmên Pilemûr, Pulur û Mazgêrdê, firiyan.

Vê tevgera helîkopteran a nîvê şevê destpê kir, heta ber destê sibehê dewam kir.