Navedan Çapemeniyê ya YPG'ê da xuyakirin, ku piştî pêngava serketî ya Şedadê çeteyên DAIŞ'ê duh bi şev êrîşeke berfireh birin ser Girê Spî û got, "26'ê Sibatê saet di 23:00 de çeteyan di ser Tirkiye û Reqqayê re ji du baskan ve êrîşî başûr û rojhilatê Girê Spî kirin."

Di dewama daxuyaniya YPG'ê de ev agahî hatin dayîn:

"Komên çete yên di ser Tirkiyeyê re êrîş kirin, navenda bajarê Girê Spî, gundên Nestel, Xwêra û Qenetra yên li ser sînor e, hedef girtin. Ji aliyê başûr ve jî, komên çete ji aliyê Reqqayê êrîş gundên Genterî û Şergirat ên li başûrê bajarokê Silûkê û rojhilatê bajarokê Eyn Îsa ne, kirin.

Hêzên me di cih de dest li êrîşan werdan û şer derket. Şerê di navbear hêzên me û komên çete de li zêdeyî 15 nuqteyan dewam dike. Agahiyên berfireh ên vî şerî wê piştre bi raya giştî re were parvekirin. Ev êrîş jî wê bên şikandin."