Cenazeyê gerîlayê HPG'ê Kendal Efrîn, li Efrînê bi merasîmeke girseyî hat veşartin.

Cenazeyê gerîlayê HPG'ê Kendal Efrîn ê di 24'ê Îlonê li Bakurê Kurdistanê di êrîşa hewayî ya artêşa Tirk de jiyana xwe ji dest da, duh ji Deriyê Sînor ê Bab Selam derbasî Efrînê hat kirin. Cenaze îro danê sibehê ji mora nexweşxaneyê hat wergirtin û bi konvoyeke dirêj a ji wesayîtan birin Goristana Şehîd Refîq.

Di merasîma girseyî ya li goristanê de, axaftin hatin kirin û piştre belgeya şehadetê ya Kendal Efrîn hat xwendin û radestî malbatê hat kirin.

Di merasîmê de soza dilsoziya bi têkoşîna Efrîn re hat dubarekirin û cenazeyê şervanê azadiyê li ber tilîlî û dirûşmeyan hat veşartin.