Cenazeyê endamê erka xweparastinê Xalid Hisên li Goristana Şehîd Xebat bi merasîmeke girseyî hat veşartin.

Bi sedan welatiyên welatiyên bajarê Dêrik û Girkê Legê û şervanên erka xweparasinê cenazeyê şervanê erka xweparastinê Xalid Hisên ku di 16’ê Kanûna 2015’an de li Çiyayê Kezwanan jiyana xwe ji dest da, li Goristana Şehîd Xebat a li bajarê Dêrikê oxir kirin.

Bi armanca oxirkirinê, girseya gel li pêşiya nexweşxaneya bajarê Dêrikê kom bû. Girseyê cenazeyê têkoşer Xalit Hisên ji nexweşxaneyê wergirtin û bi karwanekî ji wesayîtan ber bi Goristana Şehîd Xebat ve ket ser rê.

Dema ku girseya gel gihîşt goristinê, şervanên erka xweparastinê cenazeyê têkoşer Xalit hildan ser milan û birin qada Goristanê. Merasîma oxirkirinê bi merasîmeke leşkerî ji aliyê şervanên erka xweparastinê ve destpê kir.

Piştre Cîgirê Serokê Desteya Parastinê Ebdilehid Gewriyê axivî û diyar kirin ku bi saya keda têkoşeran Rêveberiya Xweseriya Demokratîk hatiye ava kirin.

Di merasîmê de Hevserokê Partiya Yekîtiya Demokratîk (PYD) Salih Mislim jî axivî û distnîşan kir ku pêwîste dijminên glê kurd bizanin kurdî kî ne û got ew ji mafên xwe venagerin. Mislim da zanîn ku têkoşer gav bi gav wan ber bi azadiyê ve dibine.

Piştre wesîqeya têkoşer Xalit Hisên hat xwendin û radestî malbata wî hat kirin.

Bavê têkoşer Hisên Xalit Hûsam Xalit jî soza şopandina rêya têkoşeran û felsefeya Rêberê Gelê Kurd Abdulah Ocalan dubare kir.

Cenazeyê têkoşer Hisên bi tilîliyên dayikan û dirûşmên dilsoziya bi têkoşeran re li Goristana Şehîd Xebat Dêrik spartin axê.