Fermandariya Alaya Tirk a li Bejûhê duh bi şev bombe avêtibû gundiyên Roboskî yê navçeya Şirnex Qilabanê û ji ber vê bomberdûmanê Vedat Encu yê 16 salî jiyana xwe ji dest dabû.

Cenazeyê Encu, ji bo otopsiyê duh bi şev biribûn Nexweşxaneya Dewletê ya Şirnexê.

Piştî otopsiyê cenaze anîn gund û şêniyên gund li mizgeftê li hev civiyan.

Lê belê leşkerên Tirk zext li welatiyên li dora mizgeftê kirin. Li ser vê yekê, jinan kevir avêtin wesayîtên leşkerî.

Cenazeyê Vedat Encu wê piştî bicihanîna wecîbeyên olî li goristana gund were veşartin.