Li navçeya Wan Miksê, piştî çalakiya li hemberî avahiyên Midûriyeta Emniyetê û Qeymeqamtiyê şer derket û 7 cerdevanan nexwestin tevlî vî şerî bibin. Li ser vê yekê çekên wan hatin desteserkirin.
Li navçeya Wan Miksê, duh bi şev li hemberî avahiyên Midûriyeta Emniyetê û Qeymeqamtiyê çalakiyek hat lidarxistin. Piştî vê çalakiyê ji avahiya qeymeqamtiya Tirk bang li 7 cerdevanan hat kirin û ji cerdevanan re hat gotin, "Hat tespîtkirin ku di şerê duh bi şev de we fîşekek neteqandine. Em ji we bawer nakin. Lewma vê gavê dest datînin ser çekên we."
