Ji bo protestokirina êrîşên qirker ên dewleta Tirk ên li ser Bakurê Kurdistanê û piştevaniya berxwedana xwerêveberiyan, greva birçîbûnê ya li Navenda Civaka Demokratîk a Kurd a Amsterdamê ev 3 roj in didome.

Di çarçoveya çalakiya hevpar a saziyên Kurd, Tirk û Elewiyan de îro l istasyona santralê bi cilên greva birçîbûnê ve belavok hat belavkirin. Dema belavkirina belavokan, têkîldarî êrîşên li Kurdistanê welatî hatin agahdarkirin.

Çalakvanan bang li Hollanda û Yekîtiya Ewropa kir ku li dijî êrîşên li hember Kurdan bê deng mayîn, tê wateya pejirandina qetlîamê.

BANGA JI BO DERDORÊN NAVNETEWEYÎ

Di daxuyaniya çalakvanan de ev hatin gotin: “Li dijî çeteyên DAIŞ’ê Kurd li Kobanê, Efrîn, Kerkûk, Mexmûr û Cerablûsê têkoşîna mirovahiyê didin. Tevahî rêxistinên civaka sivîl, saziyên mafên mirovan û Neteweyên Yekbûyî divê vê xwîna diherike demildest bi dawî bikin.”