Navenda Ragihandin û Çapemeniyê ya HPG'ê li ser bomberdûman û tevgera hewayî ya artêşa Tirk a li qadên gerîla de daxuyaniyeke nivîskî weşand.

HPG'ê der barê bomberdûmana bi hawan, obus û tankan de ev agahî da:

"Roja 5'ê Îlonê saet di navbera 11:30-12:30 de qereqola Geman a li ser sînorê herêma Zagrosê, qadên Kirinos û Deravê, saet di navbera 16:00-16:30 de qereqola Bêdewê, Dola Mehendê bi obus û hawanan bombe kirin. Ji ber bomberdûmanê li herêmê şewat derket. Gelê herêmê hewl da şewatê vemirîne, lê artêşa T.C pêşî li gel girt.

Roja 6'ê Îlonê saet di 05:30 de qereqola Oremar a li navçeya Colemêrg Geverê, obus û hawan avêt qada Şehîd Bager a herêma Avaşînê.

Di 5'ê Îlonê saet di navbera 20:30-13:00 de 2 helîkopterên bi tîpa Kobra, qada gundê Tiyê Jorê ya li Şemzînanê bomberdûman kirin. Di heman demê de qereqola Gomanê, hawan avêt qadên gundên Tiya Jorê û Biya Horê.

5'ê Îlonê saet di navbera 12:30-13:30 de qereqola Êrîş a li ser sînorê herêma Zapê, girê Cehenemê, qadên Sevê û Sernê, saet di navbera 11:00-17:00 de qereqolên Serê Sevê û Tepê Ortê jî qadên Xeregol, Zerê, Canmeda û Şelalê bi obus, hawan û tankan bombe kirin."

TEVGERA HEWAYÎ DIDOME

HPG'ê da xuyakirin ku tevgera hewayî ya artêşa Tirk dewam dike û got, "Roja 5'ê Îlonê ji saet 09:00 heta 6'ê Îlonê saet 02:00 li herêma Avaşînê, roja 6'ê Îlonê saet di navbera 00:00-01:30 li herêma Garê, saet di navbera 12:30-13:30 û saet di navbera 19:00-00:00 bi pêgerên hewayî yên bê mirov li herêma Zapê keşif hatiye kirin. Her wiha roja 5'ê Îlonê saet di navbera 17:00-18:00 de li herêma Garê, saet di navbera 23:00-23:30 de li herêma Avaşînê balafirên şer geriyane."