Navenda Ragihandin û Çapemeniyê ya HPG’ê têkildarî bomberdûman û tevgera hewayî ya artêşa Tirk daxuyaniyeke nivîskî weşand.

HPG’ê diyar kir ku li ser herêmên gerîlayan tevgera balafirên şer û yên keşfê didomin û got: “31’ê Tebaxê saet 07.00’an li ser herêma Qendîl, saet di navbera 20.00, 21.00 û 22.00’an de li ser herêma Avaşîn tevgera balafirên şer a artêşa Tirk rû daye.

1’ê Îlonê saet di navbera 06.00 - 10.00’an de li qadên Şûkê û Stûnê yên li ser xeta herêma Avaşîn, 31’ê Tebaxê saet di navbera 07.00 - 18.30 û 1’ê Îlonê saet di navbera 04.00 - 06.00’an de li ser herêma Zapê pêgerên hewayî yên bê mirov keşf pêk anîne.”

BOMBERDÛMANA BI OBUS, TANK Û HAWANAN DIDOME

HPG’ê têkildarî bomberdûmana li hemberî Herêmên Parastinê yên Medya ev agahî da:

“31’ê Tebaxê saet di navbera 10.30 - 12.00’an de qereqola Garê ya li ser xeta sînorê herêma Xakurkê qada Tepê Genîş bi obus û hawanan bombe kirine. Hêzên me yên gerîla jî bi çekên giran bersiv dane.

31’ê Tebaxê saet di navbera  22.00 - 23.00’an de qereqola Serbesta ya li ser xeta sînorê herêma Metîna Girê Kuroşîno û qûntarê wê, qereqola Elemûn saet di navbera 22.00-23.00 û bi şev saet 00.00-01.00 de girê Zendûro bi obus, hawan û tankan bombe kirine.

31’êTebaxê saet di navbera 07.30 - 08.30’an de qereqolên Şkêr, Serê Sêvê, Erîş û Tepê Ortê qadên Çiyayê Reş, Çrçerê, Yekdarê û Xerxol bi obus, hawan û tankan bombe kirine.”