Navenda Ragihandin û Çapemeniyê ya HPG’ê têkildarî tevgera hewayî û bomberdûmana artêşa Tirk a li hember herêmên gerîlayan agahî dan.

HPG’ê diyar kir ku êrîşên bi obus û tankan û tevgera hewayî ya li hember Herêmên Parastinê yên Medya didomin û got: “24’ê Tebaxê saet di navbera 08.30 û 13.30 - 14.30 de qereqola Oremar a girêdayî navçeya Gever a Colemêrgê; qada Şehîd Gafûr a li ser xeta sînorê herêma Avaşîn a yek ji Herêmên me yên Parastinê yên Medya bi obus û hewanan bombe kiriye.

Di navbera 24’ê Tebaxê saet 18.30 - 19.00, 22.00 - 00.00 û 25’ê Tebaxê saet 03.00 - 04.30’î de Qereqola Arûş a li ser xeta sînorê Metîna qadên Şehîd Agir û Kuro Şîno bi tankan bombe kirine.

24’ê Tebaxê saet di navbera 12.30 - 18.00’an de qereqola Erîş a li ser xeta sînorê herêma Zapê; qada Xeregol bi obus û hewanan bombe kiriye.”

TEVGERA HEWAYÎ

HPG’ê têkildarî tevgera hewayî ev agahî da:

“24’ê Tebaxê saet di navbera 16.30 - 19.30’î de li herêma Garê, saet di navbera 12.30 - 15.00 û 19.00 - 00.00 de li herêma Zapê pêgerên hewayî yên bê mirov geriyane. Saet di navbera 21.00-21.30’’ı de jî li ser herêma Zapê tevgera balafirên şer ên artêşa T.C rû daye.”