Li navçeya Dêrikê ya Mêrdînê ku rewşa awarte bi awayek fiîlî di meriyetê de ye, hevşaredarên Dêrikê Abdulkerîm Erdem û Sabahat Çetînkaya û Alîkarê Hevşaredar Murat Ozuçalişir 4 roj berê hatibûn binçavkirin û îro jî li dadgehê bi îddiaya ku "endamê rêxistinê ne" hatibûn girtin. Piştî girtina hevşaredaran vê carê jî polîsan deriyên avahiya şaredariyê şikandin û bi ser şaredariyê de girtin. Tîmên taybet piştî demekê lêgerînê kirin ji avahiyê derketin û hate dîtin ku qaseya di wezneya şaredariyê de ye wenda bûye.