Navenda Ragihandin û Çapemeniyê ya HPG'ê, der barê bomberdûman û tevgera hewayî ya artêşa Tirk a li hemberî qadên gerîla daxuyaniyek da.

HPG'ê got, "Roja 2'ê Îlonê saet di navbera 15:30 - 19:00 de qereqola Bezelê ya li ser sînorê herêma Zagrosê, bi obus û hawanan girê Çarçela bombe kiriye.

2'ê Îlonê saet di navbera 17:00 - 18:30 de qereqola Sîvrî Tepe ya li ser sînorê herêma Avaşînê, qada Girê Sor, saet di 16:50 de qereqola Oremarê qada Şehîd Bager, qereqola Grana qada Mêrgê bi obus, hawan û tankan bombe kirin.

2'ê Îlonê saet di navbera 17:00-18:00 û 21:00-22:00 de qereqola Bilican a li herêma sînor a Zapê, Garêya Biçûk û derdora wê bi çekên giran guleberan kiriye."

TEVGERA HEWAYÎ

HPG'ê da zanîn ku tevgera balafirên şer û keşfê jî dewam dike û ev agahî da:

"2'ê Îlonê saet di navbera 16:00-17:00 û ji saet 21:00 heta saet 05:00 ê 3'ê Îlonê li herêma Zapê, 2'ê Îlonê saet di navbera 13:30-18:00 li herêma Heftanînê, 2'ê Îlonê saet di 14:00 heta 3'ê Îlonê saet 11:00 li herêma Avaşînê, 3'ê Îlonê saet di navbera 00:00-02:00 li herêma Garê pêgerên hewayî yên keşfê yên bêmirov geriyane. 2'ê Îlonê saet di navbera 10:30-11:00 de balafirên şer li ser herêma Avaşîn geriyane."