Dewleta Tirk şevê din careke din êrîşî bajarê Girê Spî yê Rojavayê Kurdistanê kir.

Artêşa Tirk şevê din gule li navenda depoyên genim ên nêzî deriyê sînor ê Girê Spî reşandin. Ti ziyanên canî û madî çênebûn.

Endamê Asayîşê ku li navenda depoyan dimîne got ku şevê din di seat 01.35’an de leşkeran gule li wan reşandin û yên ku gule direşandin li aliyê din ên sînor tevdigeriyan û bi zimanê Tirkî daxivîn.

Endamê asayîşê da xuyakirin ku duh jî çeteyên DAIŞ’ê êrîşî wan kirin û got ku ew amade ne hemû êrîşên werin ser wan bibersivînin.

Hêjayî gotinê ye ku êrîşên dewleta Tirk li ser bajarê Girê Spî ji 23’ê Cotmehê ve heta niha didome.