Meclîsa Jinan a Partiya Wekhevî û Demokrasiyê ya Gelan (DEM Partiî) ya Qersê li bajarokê Bazarcik  ê navçeya Dîgorê civîna “Di Avakirina Aştî û Civaka Demokratîk de Civîna Jinan” li dar xist. 

Berdevda Meclisa Jinan a DEM Partiyê Halîde Turkoglu, axîvî û diyar kir ku di çarçoveya banga Rêber Apo ya di 27’ê Sibatê de li gelek bajaran bi jinan re civiyane. Halîde Turkoglu ev tişt got: “Xeyala me dahatûyeke ku şer lê nebe û jin neyên qetilkirin. Em ji bo jiyaneke azad û wekhev têdikoşin. Aştî civaka demokratîk e. Em avakirina civaka demokratîk gotûbêj dikin. Banga Aştî û Civaka Demokratîk herî zêde ji bo jin û ciwanan hatiye kirin” 

Gulistan Kiliç Koçyîgît ev tişt got: "Divê em di vê pêvajoyê de têkoşîna xwe hîn berfirehtir bikin. Em îro çi bi dest bixin, em ê bi têkoşînê bi dest bixin. Têkoşîna me dê destkeftiyên me diyar bike. Ji bo vê, divê em têkoşîna xwe berfirehtir bikin."