Bîranîna ku ji hêla KOMAW’ê ve hat organîzekirin, bi deqeyek rêzgirtina ji bo bîranîna Şehîdên Azadiya Kurdistanê dest pê kir.

Gelek Kurdistanî û dostên wan, siyasetmedar û çalakvan beşdarî bîranînê bûn. Di axaftinên hatin kirin de hatdiyarkirin ku şehîd di têkoşîna azadiyê ya gelê Kurd de rolek pêşeng lîstine û rêya berxwedanê ronî dikin.

Siyasetmedarê Kurd Bedrettîn Kavak di axaftina xwe de diyar kir ku mîrateya ku şehîdan hiştine îro hîn bêtir watedar e û got: "Em hemû şehîdên xwe bi rêzdarî û minetdarî bi bîr tînin. Ew ne tenê pêşengên rabirdûyê ne, di heman demê de pêşengên niha û pêşerojê jî ne. Şehîdên me nûnerên herî xurt ên têkoşîna ku ji bo azadî û rûmetê tê meşandin in. Erka me ew e ku têkoşîna ku wan li dû xwe hiştiye berfireh bikin û bigihînin nifşên nû. Xeta serkeftinê xeta şehîdên me ye û ev xet bê guman dê bi ser bikeve."

Di çalakiyê de sînevîzyona li ser jiyan û têkoşîna şehîd Ferdî Aydemîr hatibû amadekirin hat pêşandan. 

Beşdaran di dawiya bîranînê de anîn ziman ku ew ê bi îdealên şehîdan ve girêdayî bimînin û rihê têkoşînê veguhezînin ciwanan.