Li Banliyoya Villiers-le-Bel a Parîsê bi wesîleya rojbûna 77'emîn a Rêber Apo çalakiyek hate lidarxistin. Çalakî bi pêşengiya Meclîsa Jinê ya Şehîd Evîn Goyî pêk hat û bi sedan kes tevlî bûn ku gelek ji wan jin û zarok bûn. Pîrozbahî bi dirûşma "Azadiya Rêber Apo azadiya Kurdistanê ye" hate lidarxistin.

Çalakiyê bi deqeyeke rêzgirtinê destp'ê kir û dirûşmên "Bijî Serok Apo" û "Jin, Jiyan, Azadî" hatin qîrîn.

Hevseroka Civaka Demokratîk a Kurd li Fransayê Fevziye Erdemîrcî li pîrozbahiyê axivî û got, "Xeta azadiyê ya ku Rêber Apo afirand îro jî ji bo jinan û hemû gelên bindest yekane rêya rizgariyê ye. Azadiya fîzîkî ya Rêberê me divê êdî pêk were û heta pêkhatina vê jî em ê li qadan bin."

Bi navê Malbatên Şehîdan hamdiye Şahîn rojbûna Rêber Apo pîroz kir.

Piştre li bexçeyê ku ji bo bîranîna Şehîd Evîn Goyî hate çêkirin, pênc gulên ji rengên cuda û şitlê Azalea hatin çandin.

Pîrozbahî bi gerandina govendê bi dawî bû.