Dema ku ciwanên xwestin bi meşekê Şoreşa Rojava pîroz bikin ji xeynî faşîstên Tirk polîsên Elman jî meş provoke kirin. Dema ku ciwanekî nerazîbûn nîşanî vî tiştî da, êşkence lê hate kirin.
Wîderstand Komîte li Berlînê ya ku paytexta Elmanyayê ye xwest salvegera 10’emîn Şoreşa Rojava bi meşekê pîroz bike.
Ciwanên enternasyonalîst saet di 19.30’an de li îstasyona Hûmboldthaînê kom bûn û Şoreşa Rojava silav kirin.
Piştî daxuyaniyan hate diyarkirin Şoreşa Rojava ji bo gelên Rojhilata Navîn û dinyayê bûye hêvî û alternatîfê pergala kapîtalîst e.
Di çalakiyê de êrîşa dagirker a ku bloka faşîst AKP û MHP’ê li ser Rojava jî hate protestokirin û hate diyarkirin wê li hemberî gefên dagirkeriyê jî bêdeng nemînin.
Di dema meşê de faşîstan û polîsan provokasyon kirin. Polîsan bi unîformayên Elman faşîzma Tirk parastin û dema ku ciwanekî nerazîbûn nîşanî vî tiştî da jî êşkence lê hate kirin.
Ciwanan bi dema meşê de slogan berzkirin û meş li Nethenberkplatzê bi dawî bû.
