Pîrozbahî li navçeya Novoaleksandrovskê ya herêma Stravrapolê pêk hat û bi deqeyeke rêzgirtinê ji bo bîranîna şehîdan destpê kir.

Hevserokê Otonomiya Kurd a Stavrapolê Huseyîn Ahmedov û Nûnerê Rûsyayê yê Rêveberiya Xweser a Bakur û Rojhilatê Sûriyeyê Reşad Bênav di dema pîrozbahiyê de axivîn.

Qisekeran pêşengê Pêngava 15'ê Tebaxê fermandarê gerîla Egîd (Mahsûm Korkmaz) bi bîr anîn û bal kişandin ser encamên girîng ên vê pêngavê ji bo Kurdan.

Alîkara serokê navçeya Novoaleksandrovskê Ludmila Nikolayevna Gorovenka jî li pîrozbahiyê axivî û 'cejna vejînê' ya Kurdan pîroz kir.

Hunermenda Rûs Yliya Beloûsova jî derkete ser dikê û hunera xwe pêşkêş kir. Her wiha koma govendê 'Kulîlkên Rojê' derkete ser dikê. Li ber stranên Hesen Mamedov û Mihemed Rustemov beşdarên pîrozbahiyê govend gerandin.