Peace in Kurdistan ku ji bo çareseriya siyasî ya pirsgirêka Kurd li Îngilistanê kampanyayan bi rê ve dibe, bi daxuyaniyeke nivîskî îşaret pê kir ku bi operasyonên qirkirina siyasî beriya hilbijartinê, xebatên siyasî tên astengkirin.

Daxuyaniya Peace in Kurdistanê wiha ye:

“Beriya hilbijartinên meha Gulanê, Serokkomarê Tirkiyeyê Recep Tayyîp Erdogan ku bi awayekê qidûmşikestî dixwaze li ser desthilatdariyê bimîne û hema bibêje wê her tiştî bike.

Hat ragihandin ku di biserdegirtina dawîn a 25’ê Nîsanê de, siyasetmedarên Kurd ên rayedar, rojnamevan, mafparêz û parêzer, tev tevî hev, 128 kes hatine destgîrkirin. Her wiha hat zanîn ku di çarçoveya têkoşîna li dijî terorê de, biryara desteserkirina 216 kesan hatiye dayîn.

Ev çalakî, di serdemeke wisa de ku bi xuyabûna şaneyên bidawîbûna serweriya bi 21 salan a Erdogan, pêk hatin. Pêşbîniya şîrovekaran ew e ku wê Erdogan di hilbijartinên 14’ê Gulanê de têk biçe.

Erdogan di warê siyasî de jî û bi fîzîkî qels xuya dike. Baweriya pê, pir kêm bûye. Dişibe mirovekê nexweş û jar. Lê wateyeke ji sembolîkbûnê biwêdetir a ve qelsiya fizîkî heye.

ERDOGAN ÊDÎ NE YEKÊ BÊYÎ REQÎB E

Erdogan ku di warê siyasî de qels bûye, êdî wek berê ne bêyî reqîb e û piştgiriya wî kêm dibe. Ji tê tirsîn ku Erdogan ji bo li ser desthilatdariyê bimîne, her gavî biavêje û ev ji bo pêvajoya demokratîk a li welatê wî dibe gefeke rasterast. Ger ku pê bawer bibe ku wê têk biçe, wisa xuya ye ku wê peşkê li hilbijartinan bixe.

Lê bi rastî jî têkildarê bidawîbûna serdema Erdogan, şane hene. Li gor gelek raporan rewşa li welêt, bi lez û bez diguhere. Pêşbîniyên pêbawer ên têkildarê dibe ku Erdogan têk biçe hene.

Binavûdengiya Erdogan, ji ber berteka şaşwazker a hikûmetê ya berpêyî erdheja meha Sibatê ku zêdeyê 50 hezar kesan jiyana xwe ji dest da û bi milyonan kes ji cih û warê xwe bûn, pir kêm bû.

Erdogan, gefa terorê ku îdia dike ji Kurdan tê, ji bo berhevkirina piştgiriyê û xwe nîşandana wek xelaskerê neteweyî, bi awayekê bi rêk û pêk bi bêrehmî manîpule kiriye. Niha ketiye hewila heman kirinê. 

HEWCEDARÎ BI ÇAVDÊRÊN SERBIXWE YÊN HILBIJARTINAN HEYE

Tevgera henekpêker a mirov pêşbîniya wê dike, ji bo bîr û boçûna roja hilbijartinê şaneyeke xirab e û wê bi azadî û adilane be ya na, alarm dide. Ger destgûr bê dayîn, wê hewcedarî bi çavdêrên hilbijartinê yên serbixwe hebe.

Destgîrkirinên meha Nîsanê, hewildaneke li dijî qelskirina muxalefeta li hemberî Serokkomar Erdogan e û ji bêdengkirina medyaya serbixwe rexneker e ku red dike bê ser xeta hikûmetê.

YÊN DESTGÎRKIRÎ BILA DEMILDEST BÊN BERDAN

Divê hemû rojnamevan, rayedarên partiyê û parêzer ku hatine destgîrkirin û girtin, demildest bên berdan.

Ji bo bidawîbûna zextên li ser xebatên siyasî û medyaya serbixwe, divê zext li rayedarên Tirk bên kirin.

Peace in Kurdistan, bang li hikûmeta Îngiliz dike ku fikarên xwe yên demokrasiya li Tirkiyeyê, bi eşkerehî bibêje.

Peace in Kurdistan, vê hewildana berpêyî manîpulekirina raya giştî şermezar dike.

Divê neyê hiştin ku Erdogan hilbijartinan ji gelê Tirk bidize.“