Parlamenterê Swîsreyî Fabian Molina bi rêya hesabên xwe yên medya dîjîtal bang kir ku şerê li dijî Kurdan bê rawestandin. Ji hikumeta Bernê jî xwest ku pêkanînan li ser Erdogan û derdora wî ferz bike.
Parlamenterê Parlamenta Neteweyî ya Swîsreyê Fabian Molina yê ji Partiya Sosyalîst ji bo dawî li êrîşên dagirkeriyê yên dewleta Tirk ên li ser Rojava û Başûrê Kurdistanê bê anîn, li ser hesabên xwe yên medya dîjîtal peyameke bi dîmen parve kir.
Es ist wichtig, dass die Schweiz @ParlCH immer fürs Völkerrecht einsteht.#SanctionTurkey
— Ronahî (@DeylemRojAvJin) September 14, 2022
Diese Krieg gegen die Kurd*innen müssen gestoppt werden! @ignaziocassis@s_sommaruga@BR_Sprecher@SwissMFA@EDA_DFAE@Amnesty_Schweiz@FabianMolinaNR
↕️↕️ https://t.co/ei7qJHj0XB pic.twitter.com/N6HQDMqBak
Molina ku di heman demê de Berdevkê Têkiliyên Derve yên Partiya Sosyalîst e, baldariya raya giştî ya navneteweyî ya li ser şerê Rûsyayê yê li Ûkraynayê bi bîr xist û diyar kir ku heman baldarê li dijî şerê li ser Kurdan nayê nîşandan. Molina ev bang li hikumeta Bernê kir:
"Dema ku tu li vî dîmenî temaşe dike, Serokkomarê Tirk Erdogan li Bakurê Iraqê û Bakurê Sûriyeyê du şerên bi xwîn dimeşîne. Raya giştî ya navneteweyî ku bi nerazîbûn û piştevaniyeke mezin li ber şerê li Ûkraynayê radibe, ev herdu şer ji bîr kiriye. Lewma divê Swîsre li dijî Erdogan û derdora wî ku vî şerî dimeşînin biryarên pêkanînan bide. Parastina hiqûqa navneteweyî û bicihanîna vê hiqûqê ji bo Swîsreyê timî girîng bû. Vî şerê li dijî Kurdan bisekinînin."
