Li bajarê Solothûrnê yê Swîsreyê, ji bo teşhîrkirina êrîşên dagirkeriyê yên dewleta Tirk ên li ser Kurdistanê, duh çalakiya konvedanê hat destpîkirin. Li çalakiya konvedanê ya bi pêşengiya Navenda Civaka Demokratîk a Kurd, Komuna Jinan Pinar, Tevgera Ciwanên Kurd ên Şoreşger û TekoJIN’ê dest duh dest pê bû, îro pir aliyî hat dewamkirin.

Kurdistaniyên li Solothûrnê û dostên wan, serdana kon kir.

Li vir li ser navê Navenda Civaka Demokratîk a Kurd Kaya Demîr axivî û diyar kir ku qetilkeriya dewleta Tirk, careke din li Zaxoyê aşkera bû. Demîr anî ziman ku sed sal in Kurd rû bi rûyê qetilaman tên hiştin û da zanîn ku ew ê 23’yê Tîrmehê li dijî înkar û qirkirinê li Lozanê bicivin.

Demîr anî ziman ku di dîroka Kurdistanê de Lozan peşkeke reş e û got: “Cardin dixwazin rê li ber dewamkirina vê peymanê ku Kurdistan pê bû çar parçe ya jî peymanên wekî vê peymanê vebikin. Em ê roja Şemiyê li hember peymaneke wek dewama Lozanê ku wê pê destkeftî û pêşeroja Kurdan bikevin xeteriyê, li Lozanê bicivin.“

Kurdistaniyan, piştî axaftina Demîr, li çalakiyên xwe dewam kir.