Ciwanên Kurd ên li bajarê Nantes ê Fransayê dijîn bi pêşengiya Tevgera Ciwanên Şoreşger (TCŞ) hatin ba hev û tecrîda girankirî ya li ser Rêberê Gelê Kurd Abdullah Ocalan protesto kirin. Di çalakiya ciwanan de alên Rêberê Gelê Kurd Abdullah Ocalan û PKK’ê hatin hildan. Ciwan di çalakiyê de timî dirûşmeyên “Bijî Serok Apo“ berz kirin.

Piştî çalakiyê ciwanan daxuyanî da çapemeniyê û gotin: “ Di şexsê Rêberê Gelê Kurd Abdullah Ocalan ku 23 sal in tecrîdkirî ye de, Kurd jî di nav de hemû gelên Rojhilata Navîn tên tecrîdkirin. Ev rewş encax bi têkoşîna gelên li çar parên Kurdistanê dijîn dikare bê şikandin.“

Çalakî bi dirûşmeyên “Bê Serok Jiyan nave“ û “Azadî ji Ocalan re“ bi dawî bû.