Di çarçoveya kampanyaya derxistina PKK'ê ji lîsteya ‘rêxistinên qedexekirî’ ya hatî destpêkirin de, ciwanên ku li Marsîlyayê stand danîn, di konsera ku ji aliyê TEV-ÇAND'ê ve hat dayîn de li ber stranan govend gerandin.
Di çarçoveya kampanyaya ku Tevgera Ciwanên Şoreşger (TCŞ) û Meclîsa Civaka Demokratîk a Kurd a Marsîlyayê (DKTM) li bajarê Marsîlya yê Fransayê ji bo derxistina PKK’ê ji lîsteya rêxistinên qedexekirî, standek hat danîn û îmze hatin berhevkirin.
Di standa ku saet di 19:00 de li meydana Vîeûx Portê hat danîn de, piştî bi sedan îmze hatin berhevkirin, konserek ji aliyê TEV-ÇAND'ê ve hat pêşkêşkirin. Di konsera ku rastî eleqeyek mezin a gelê herêmê hat de govend hat gerandin.
