Li Paytexta Fînlanda Helsînkî bi boneya 1’ê Gulanê Roja Cejna Karkeran meşek hat lidarxistin.

Kurdên li Helsînkiyê dijîn berî meşê serdana gora gerîlayê HPG’ê Halîs Ceyhan (Kendal) ê di 1’ê Gulanê de şehîd bibû, kirin. Li vir ji bo giyanê şehîdan rêz hate girtin û daxuyanî hat dayîn.

Her sal ji aliyên bi boneya 1’ê Gulanê Roja Cejna Karkeran ji aliyê rêxistin û saziyên cuda ve meş tê lidarxistin. Vê carê jî Kurdan cihê xwe li eniya çep a meşê de girtin. Meş ji qada Hakaniemi dest pê kir û heta pirtûkxaneya Odi a li navenda bajêr berdewam kir. Di meşê de dirûşmeyên ji bo piştevaniya bi gelê Kurd re hat berzkirin. Di meşê de alên PKK, YPG, YPJ û tevgerên jinan hatin hildan.

Di meşê de gelek dostên Kurdan alên PKK’ê hildan û bi dirûşmeyan dilsoziya xwe ya bi Kurdan re anîn ziman.

Li ber pirtûkxaneya Odi daxuyanî hat xwendin.