Kurdistaniyên li bajarên Hannover û Dortmûndê yên Elmanyayê ku ji bo derxistina PKK'ê ji lîsteya terorê stand danîn, gelek îmze kom kirin û derbarê PKK'ê de raya giştî agahdar kirin.

Bi pêşengiya Meclîsa Jinê ya Ronahî ya li bajarê Hannover ê Elmanyayê, li dijî qedexeya PKK’ê ya li Elmanyayê standa îmzeyan hat danîn. Di bin bayê sar û baranê de bi sedan îmze hatin komkirin.

Tevî civaka Elman, Kurdistaniyan jî eleqeyeke mezin nîşanî çalakiya konê dan.

Di nava rojê de li kon muzîka Kurdî hat lêdan û agahî hatin dayîn.

DORTMÛND

Pêşengên çalakiya standê ya li Dortmûnd a Elmanyayê, tevgerên ciwanên Kurd ên Ewropayê bûn.

Kurdistaniyan bi pêşengiya Tevgera Ciwanên Şoreşger û Jinên Ciwan ên Têkoşer li ber Gara Trenê ya Navendî ya Dortmûndê stand danîn.

Di standa ku gelek îmze hatin berhevkirin de pirtûkên Rêberê Gelê Kurd Abdullah Ocalan û pirtûkên derbarê PKK’ê hatin nasandin.

Çalakiya ku saet di 12:00’an de destpê kir rastê eleqeyek mezin hat û 4 saetan dewam kir.