JXK'ê êvarê 3'ê Sibatê mîtîngek pêk anî û Yekîtiya Xwendekarên Kurdistanê (YXK) jî piştgirî da.

Di çalakiyê de afîşên bi nivîsa "Bes e ji faşîzma Tirkiyeyê re", "Mexmûr" û "Şengal" hatin hildan. Bi navê amadekaran daxuyaniyek hate dayin û êrişên şeva 1'ê Sibatê yên li ser Mexmûr, Şengal û Rojava hatin şermezarkirin.

Di daxuyaniyê de hate ragihandin, ku weke jinên Kurdistanî ew van êrişan qebûl nakin û ji hêzên navneteweyî hate xwestin ku li pêşiya van êrişan bisekinin.

Her wiha bang li dewleta Elman jî hate kirin ku peymanên çekan ên bi dewleta Tirk re betal bike û hate gotin, "Bi taybetî jinên Kurd li qadan xwedî li nirxên xwe derdikevin û berxwedanê dewam dikin."

Çalakgeran ji dewleta Elmanyayê xwest ku helwesta xwe ya li hemberî van êrişan biguherîne û nebe hevparê qirkirinê.

Mîtîngê bi qasî saetekê dewam kir.