Li Barcelona û Gîeesenê dewleta Tirk hate şermezarkirin
Li bajarê Barcelona yê herêma xweser a Katalonyayê û li bajarê Gîessenê yê Elmanyayê êrişa dewleta Tirk a li ser gelê Kurd hate protestokirin.
BARCELONA
Di destê sibehê de nêzî 50 enternasyonalîstan li pêşiya Konsolosxaneya Tirk êrişa Tirkiyeyê ya ku di 1’ê Sibatê de biribû ser Mexmûr, Şengal û Rojava şermezar kirin.
Çalakî bi slogana ‘Tirkiye êrişî Kurdistanê dike, Îspanya jî şirîkê wan e’ hate lidarxistin. Di çalakiyê de peyam dan ku wê piştgiriyê bidin berxwedana Kurdan.
GÎESSEN
Li bajarê Gîessenê sed kes bi heman armancê tevlî çalakiyê bûn. Serokê Federasyona KAWA, Meclîsa Jinan û ciwanên enternasyonalîst daxuyanî dan û êrişên dewleta Tirk şermezar kirin.
Federasyona KAWA xwest qedexeya li ser PKK’ê jî were rakirin.
