Êrîşên dagirkeriyê yên dewleta Tirk ên li ser Rojavayê Kurdistanê, li bajarê Bremenê yê Elmanyayê hatin şermezarkirin.

Çalakî ji aliyê Meclîsa Bremenê ya PYD'ê ve hate lidarxistin û hate destnîşankirin ku li dijî komkujiyên dewleta Tirk ew ê dengê xwe bilind bikin.

Evdilkerîm Elma li çalakiyê axivî û got, "Dewleta Tirk her roj êrîşî xaka me dike. Rojek nîne ku êrîş nayê kirin. Ev êrîş jî li pêşiya çavên dewlet û 'parêzvanên mafên' mirovan têne kirin. Zarok têne kuştin, lê tiştekî nakin. Di şexsê Rojava de êrîşên ku têne kirin rûyê rast ê cîhanê nîşanî me dide."

Di çalakiyê de alên YPG û YPJ'ê hatin hildan.