Çalakiya edaletê ya Xoşnav Atayê Kurdistanî ku ji bo protesto kirina bikaranîna çekên kîmyewî yên dewleta Tirk a li dijî Gerîlayên Azadiya Kurdistanê li ber avahiya OPCW’ê ya li bajarê Den Haag ê Holandayê dest pê kiriye, dewam dike.

Ata yê 56 salî bi dowîzê “Dewleta Tirk, birazî/ê/ xwarzî/êyek a min bi çeka kîmyewî qetil kir. OPCW, tu çima lêkolînê nakî?“ bang li OPCW’ê dike ku berpirsyariya xwe bi cih bîne, çalakiya xwe her roj saet di navbera 10.00 û 13.00’î de li dar dixe.

Aktîvîstên ji Rojhilatê Kurdistanê, ji bo piştevaniyê serdana Ata kir û xwest ku OPCW di der barê bikaranîna çekên kîmyewî de li cihê bûyerê vekolînê bike.