Xwendekarên dibistana amadeyî ji bo bîranîna Kader Ortakkaya ya ku li ser sînor ji aliyê leşkerên Tirk ve nîşan lê hate girtin û hate qetilkirin ji Parka Koşuyoluyê heta avahiya KCD'ê meşiyan. Xwendekaran binçavkirin protesto kirin.

Li Amedê xwendekarên dibistana amadeyî ji bo Kader Ortakkaya ku li ser sînorê Kobanê û Pirsûsê ji aliyê leşkeran ve hatibû qetilkirin, bi bîr bînin, li Parka Koşuyoluyê hatin cem hev. Xwendekaran li vir govend girtin û piştre heta avahiya Kongreya Civaka Demokratîk (KCD) ya Amedê meşiyan. Di meşê de dirûşmên; "Bijî Serok Apo", "Bijî berwedana Kobanê" hatin gotin.

Li ber avahiya KCD'ê li ser navê xwendekaran, Berfîn Aslan daxuyanî da û diyar kir ku kujerê Kader Ortakkaya diyar e û wiha got: "Kesên ku piştgirî didin DAIŞ'ê, dixwazin Kobanê bikeve û tevgera Kurd tune bikin, kujerên Ortakkaya ne. Bila ev yek bê zanîn ku berxwedana wê berxwedana me ye."

Aslan da zanîn ku ew ê hesabê qetilkirina Ortakkaya ji kujeran bipirsin. Aslan bi bîr xist ku di hikûmeta AKP'ê li ser gelê Kurd komkujiyan pêk tîne û AKP nikare gelê Kurd bê deng bike. Xwendekaran dirûşmên; "Şehîd namirin", "Bijî berxwedana YPG'ê" qîriyan.

Piştî daxuyaniyê xwandekaran, stran gotin, govend gerandin û belav bûn.