Tevgera Rizgariya Gelê Bakurê Sûdanê (SPLM-N) ku ji bo naskirina mafên li herêma Darfûrê têdikoşe û Nûnera Taybet a Neteweyên Yekbûyî Leîla Zerroûgûî dan xuyakirin, ku rêxistinê mora xwe daniye binê peymana pêşî li leşkerkirina zarokên kêmî 18 salî digire.

Serokê SPLM-N Malîk Agar piştî merasîma îmzekirinê axivî û diyar kir, ew bi peymanê ve girêdayî ne. SPLM-N par jî mora xwe danîbû binê peymaneke bi heman rengî ya ji aliyê Banga Cenevreyê ve hatibû amadekirin.

Nûnera Taybet a Neteweyên Yekbûyî Leîla Zerroûgûî jî da xuyakirin, ku bi sê rêxistinên din ên li Sûdanê re jî danûstandin tê kirin û ew li bendê ne di demeke nêz de ev rêxistin jî mora xwe deynin binê peymanê. Hat ragihandin, danûstandin bi rêxistinên Tevgera Edalet û Wekheviyê (JEM), Artêşa Azadiyê ya Sûdanê-Abdelwahîd Nûr (SLA-AW) û Artêşa Rizgariya Sûdanê (ALS) re tê kirin.