Di daxuyaniya Wezareta Parastinê ya Rûsyayê de hat ragihandin, du fuze ji keştiyên binê avê yên li Pasîfîkê hatine avêtin. Wezaretê diyar kir, fuzeya ji keştiya binê avê ya bi navê K-433 a li Derya Ohotskê hat avêtin, li herêma Arktîkê ketiye.

Li gorî daxuyaniya di ajansa Rîa Novostî de cih girt, fuzeyeke din a navbera parzemînan jî ji keştiya binê avê K-407 a li Derya Berîngê hatiye avêtin.

Wezîrê Parastinê Sergey Şoygû li ser tetbîqata leşkerî ya bi navê Kafkasya-2016 a meha Îlonê hat kirin daxuyaniyek da û îdîa kir, ku daxuyaniyên hin welatan ên dibêjin tetbîqata leşkerî ya welatê wan û ceribandina fuzeyan 'gefa leşkerî' ne, daxuyaniyên 'dûrî ji rastiyê' ne. Şoygû li dijî îdîayên 'şerekî nû yê sar diqewime' derket.