Li gorî raporek ji aliyê Banka Pêşvebirinê ya Elman (KfW), bi hezaran dibistanên cemaweriyê di rewşeke neyînî de ne. Di raporê de hat gotin, ji bo tamîrkirin û bicihanîna pêdiviyên dibistanan, pêwîstî herî kêm bi 34 mîlyar Euroyî heye.

Di rapora KfW a li ser rewşa malî ya bajar û gundan û xebatên înşaetê de tê gotin, ji ber derengmayîna gelek razemeniyan, tê payîn ku gelek saziyên perwerdeyê yên li welêt zerarê bibînin. KfW'ê ragihand ku par ji bo avakirin û tamîrata dibistanên li gelemperiya welêt, 2,9 mîlyar Euro hatine xerckirin û destnîşankirin, ku ev yek bi 1,3 mîlyarî kêmî ya sala 1995'an e.

Li gorî rapora KfW, ji ber kêmbûna budçeya înşaet û tamîrê ya dibistanan, dibe ku di dema pêş de zerareke cidî li sîstema perwerdeyê ya li Elmanyayê bibe