Li Kongreya Venezûelayê ku mûxalefet rastgir lê serdest e, wê roja Pêncşemê pêvajoya girtina ji wezîfeyê dest pê bikira. Biryar hat dayîn, ev hewldan û pêvajo were sekinandin. Tê gotin, daxwaza Vatîkanê ya ji bo çareserkirina pirsgirêkên navbear mûxalefetê û rêveberiya Madûro bandor li girtina vê biryarê kiriye.

Serokê Kongreyê Henry Ramos Allûp li ser mijarê axivî û diyar kir, biryara wan nayê wateya 'teslîmbûna wan' li pêşberî Madûro û anî ziman, ev biryar ji bo peydakirina çareseriya pirsgirêkan hatiye standin.

Her wiha meşa mûxalefetê ku wê sibe li dijî Nîcolas Madûro bihata lidarxistin, hat betalkirin.

Li Venezûelayê ku piraniya aboriya wê xwe dispêre hatineyên ji petrolê, ji ber kêmbûna buhayê petrolê, valahiyeke cidî di nava budçeyê de rû da bû û vê yekê mûxalefeta rastgir xistibû nava tevgerê.