Li perava Sabrata ya li bakurê rojava yê welêt di lotkeyeke masîgiran de ku noq bûbû ji 28 kesan 11 xilas bûne û 12 jê mirine.

Li gorî agahiyên ku ji Heyva Sor a Libyayê ya bajarê Sabratê hatine standin, kesên ku mirine penaberên Tûnûsî bûne. Nûnerê Heyva Sor Mongî Salîm ragihand penaber ji bajarê Ben Ben Guerdane yê li ser sînor ketine Libyayê û ji vir jî xwestine biçine Italyayê û ji hêla  qeçaxçiyên mirovan ve ew li lotkeyeke masîgiran hatine siwarkirin.

11 kesên ku ji lotkeya noqbûyî sax filitîn têne tedawîkirin û hate gotin ji 5 penaberên ku winda bûyin cenazeyê 2 kesan jê hatiye dîtin. Lêgerîna li 3 penaberên din jî berdewam dike.