Li paytexta Îran Tehranê, girtiya siyasî ya Kurd Meryem Mûkadesî ya li Girtîgeha Evînê tê ragirtin, ji ber ku demeke dirêj nehat dermankirin rewşa nebaş a tenduristiya wê giran bû, lewma ew rakirin nexweşxaneyê.

Meryem Mûkadesî ya nexweşa gurçikê, ji bo şert û mercên nebaş ên ragirtinê û xemsariya rayedaran şermezar bike, demeke dirêj di greva birçîbûnê de bû. Hat ragihandin, ji ber Mûkadesî demeke dirêj nehat dermankirin rewşa wê ya tenduristiyê nebaş bû û ew rakirin nexweşxaneyê. Der heqê rewşa dawî ya Mûkadesî de agahî nehat bidestxistin.

Mûkadesî ku di bihara 2010'an de bi hinceta hevkarî bi partiyeke Kurd a mûxalîf re kiriye hat girtin, bi 9 salan cezayê girtîgehê hatibû cezakirin.